Vinsamlegast athugið að þetta efni er eldra en 4 ára.
Líf og starf 17. október 2019
Höfundur: smh
Hjónin Svavar Pétur Eysteinsson og Berglind Häsler búa á Karlsstöðum í Berufirði og stunda þar blandaðan búskap með menningu, matvælaframleiðslu og ferðaþjónstu undir vörumerkinu Havarí.
Svavar Pétur er kunnur sem tónlistarmaðurinn Prins Póló og saman standa þau að margvíslegri starfsemi heima á bæ; meðal annars matvælavinnslu og menningartengdri ferðaþjónustu. Bulsur, grænmetispylsurnar þeirra, hafa tryggt sig í sessi á Íslandi og nýjasta afurð þeirra eru snakkflögurnar Bopp, sem er poppað bankabygg.
Svavar Pétur Eysteinsson, bóndi á Karlsstöðum og matvælaframleiðandi, með Boppið – nýjustu afurð sína.
Hafa prófað ýmislegt
Þau Svavar Pétur og og Berglind hafa reyndar prófað ýmislegt þegar kemur að grænmetisrækt og vinnslu á því.
„Síðan við hófum búskap á Karlsstöðum árið 2014 höfum við stundað ýmiss konar ræktun á káli og rótargrænmeti. Um tíma framleiddum við nokkrar tegundir af snakki úr rófum, kartöflum og grænkáli en sú framleiðsla reyndist því miður mannaflsfrek og óarðbær. Þannig að við héldum áfram tilraunum með ný hráefni og vinnsluaðferðir. Markmiðið var alltaf að búa til snakk sem innihéldi nær eingöngu íslensk hráefni enda fannst okkur snakkhillur verslana skorta vörur úr íslensku hráefni,“ segir Svavar Pétur.
„Sú vinna leiddi af sér þá vöru sem við kynnum nú til sögunnar en það er poppað bankabygg sem við köllum Bopp. Þetta er ekki ósvipað hrískökum en í staðinn fyrir hrísgrjón notum við lífrænt bankabygg frá Vallanesi sem er hágæða hráefni og einstaklega bragðgott. Boppið er svo saltað með vestfirsku sjávarsalti frá Saltverki. Þetta er því algjörlega íslensk landbúnaðarafurð – og lífrænt vottuð í þokkabót.
Hér var lítið fjós sem við tókum í gegn og breyttum í matvælavinnslu. Þar er Boppið framleitt,“ bætir Svavar Pétur við.
Ferðaþjónustan blómstrar
Að sögn Svavars Péturs er ferðaþjónustan á Karlsstöðum í miklum blóma.
„Hún vex ár frá ári. Við lögðum útihúsin undir gistingu og veitingaþjónustu og traffíkin er góð frá vori fram á haust. Við brjótum svo sumarið upp með menningardagskránni Sumar í Havarí sem hefur fætt af sér marga fjölbreytta viðburði og trekkir að fólk hvaðanæva að. Hér hafa verið haldin gallhörð sveitaböll, kabarettsýningar og bíó – og allt þar á milli. Á veturna drögum við fyrir og erum með annan fótinn í ýmsum verkefnum fyrir sunnan, en Boppið er framleitt á Karlsstöðum allt árið um kring.“
Bulsurnar í sókn
Margir þekkja grænmetispylsurnar Bulsur sem Havarí hefur framleitt frá 2013. Svavar segir áhugann hafa vaxið ár frá ári.
„Áhugi á grænkerafæði er mikill og margir neytendur velja auk þess Bulsurnar fram yfir aðrar sambærilegar vörur til að minnka kolefnissporið en þær innihalda að megninu til íslenskt bankabygg, líkt og Boppið. Það eru tímamót hjá Bulsunum um þessar mundir en Norðlenska ætlar að taka að sér framleiðslu á þeim. Það er mjög spennandi að fara með Bulsurnar norður enda er norðlensk framleiðsla framsækin og í miklum blóma,“ segir Svavar Pétur.
Spurður hvort eitthvað fleira sé í matvælapípunum hjá þeim, segir hann: „Það verður gaman að sjá hvort Bulsurnar geti af sér einhver afkvæmi þegar þær fara norður.“
Líf og starf 25. mars 2024
Mannlíf á Búnaðarþingi
Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...
Líf og starf 21. mars 2024
Stjörnuspá 21. mars - 11. apríl
Vatnsberinn hefur lengi verið að velta því fyrir sér að flytja sig um set og jaf...
Líf og starf 19. mars 2024
Félagsskapur eldri borgara
Stofnfundur Félags eldri borgara í Hvalfjarðarsveit var haldinn sunnudaginn 11. ...
Líf og starf 13. mars 2024
Áframhaldandi búseta talin möguleg
Við Langanesströnd sem liggur að botni Bakkaflóa stendur Bakkafjörður ásamt bæði...
Líf og starf 12. mars 2024
Kirkjugarðsklúbburinn
Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...
Líf og starf 11. mars 2024
Bændamótmæli á Íslandi?
Mótmæli bænda í Evrópu hafa verið í fréttum undanfarin misseri þar sem þeir vald...
Líf og starf 8. mars 2024
Stjörnuspá 7. mars - 21. mars
Vatnsberinn hefur alla burði til þess að koma í framkvæmd þeim hugmyndum sem eru...
Líf og starf 6. mars 2024
Lundi
Lundi er algengasti fuglinn okkar og jafnframt einn af okkar einkennisfuglum. Ha...
29. mars 2024
Mikilvægasta rými jarðar
26. mars 2024
Niðurskurði lokið á fé úr Blöndudal
28. mars 2024
Notkun á grastegundum og yrkjum síðustu fimm ára
28. mars 2024
Halla tekur upp Íslenskt staðfest
29. mars 2024