Vinsamlegast athugið að þetta efni er eldra en 6 ára.
Benz X-Class X250d Progressive.
Benz X-Class X250d Progressive.
Mynd / HLJ
Á faglegum nótum 30. janúar 2018

Mercedes-Benz X - Class 250d pallbíll

Höfundur: Hjörtur L. Jónsson
Margir hafa beðið óþreyjufullir eftir að fyrst var farið að tala um að væntanlegur væri Benz pallbíll. Nú er bíllinn kominn og laugardaginn 13. janúar var bíllinn frumsýndur bæði í sal höfuðstöðva Öskju og í sal atvinnubíladeildar Öskju að Fosshálsi. 
 
Ég fór og skoðaði bílana, en að lokinni frumsýningu fékk ég til prufuaksturs 33" breyttan bíl af Arctic Trucks. 
 
Vondar og erfiðar aðstæður til prufuaksturs
 
Á sunnudeginum var meiningin að prófa bílinn, en nánast sama hvert ég fór var skyggni ekkert eða vegir lokaðir og eftir rúmlega 60 km akstur í snjó og hálku var ekkert annað í stöðunni en að gefast upp. Það kom mér hins vegar á óvart við uppgjöfina að þrátt fyrir yfirstærð af dekkjum, 10–15 cm snjó alls staðar og töluverða hálku var eldsneytiseyðsla mín ekki nema 12,1 lítri á hundraðið og alltaf í fjórhjóladrifinu. 
Til að klára prufuaksturinn á auðum vegi var bíllinn fenginn aftur að láni miðvikudaginn 17. janúar. Eyðslan í fjórhjóladrifinu var rétt undir 12 lítrum á hundraðið og í stuttri keyrslu bara með afturhjóladrifið á hraða milli 80 og 90 fór eyðslan niður í 7,5 lítra á hundraðið. Greinilegt að þrátt fyrir að vera á yfirstærð á dekkjum er 190 hestafla vélin sparsöm á eldsneyti sé ekki ekið í fjórhjóladrifinu.
 
Í boði mismunandi felgustærðir
 
Fyrsti Benz pallbíllinn sem ég skoðaði kom á 19 tommu felgum sem eru ekki felgur sem nýtast á malarvegum og í vegslóðum. Varla er hægt að keyra vegslóða með veiðiám án þess að vera sífellt á varðbergi að skemma ekki felgu eða dekk. Það vakti því ánægju hjá mér að næsti bíll sem ég skoðaði var á 17 tommu felgum og með miklu belgmeiri dekkjum. Þarna var kominn bíll sem hentaði mínum hugsunum betur og væri „brúklegri“. Þegar ég sá svo upphækkaða bílinn á grófum og belgmiklum dekkjum var kominn bíll sem var tilbúinn til alls (aksturs á möl, vinnu, slóðaaksturs og fjallaferða). Allavega fyrir mér er munurinn á að keyra á 255/55/19 dekkjum og 285/70/17 svipuð samlíking og að setjast á trékoll eða í leðursófasett. Vegakerfi Íslands býður ekki upp á að stórar felgur séu boðlegar holóttum og skemmdum vegum, hvað þá malarvegum. 
 
Vél og fjöðrun frá Benz en grind frá Nissan
 
Þegar Mercedes-Benz X-Class er skoðaður minnir hann óneitanlega á Nissan Navara. Samkvæmt upplýsingum frá sölumanni í Öskju er í raun bara grindin og pallurinn frá Nissan en afgangurinn frá Benz. Allavega er fjöðrunarbúnaðurinn örlítið utar á Benz miðað við Navara og því aðeins stífari fjöðrun þó svo að við fyrstu sýn sé þetta nákvæmlega sami fjöðrunarbúnaðurinn (gormafjöðrun framan og aftan). 
Vélin í báðum bílunum (Nissan og Benz pallbílunum) er sögð skila 190 hestöflum, en mér fannst Benz vélin vera sneggri upp á snúning og toga minna, en öfugt hjá Nissan, en uppgefin dráttargeta á 50 mm kúludráttarkrókinn er 3.500 kg. 
 
Ríkulega útbúinn af aukabúnaði og lengi hægt að bæta við
 
Allir Mercedes-Benz X-Class eru með dráttarkrók, en hins vegar tók ég eftir að ljósatengið er 12 eða 13 pinna, en langflestar kerrur á Íslandi eru með 6 eða 7 pinna tengingu og því þarf annaðhvort að breyta þessu eða fá sér millistykki. Pallurinn er 1.587 mm langur, 1.560 mm breiður. Hæð skjólborða frá palli er 474 mm og má pallur bera 1.037 kg.
 
Hægt er að fá ýmsan aukabúnað á pallinn, s.s. lok, veltigrind eða hús. Verð á Mercedes-Benz X-Class er mismunandi eftir hvað er í bílnum. Sá ódýrasti er frá 7.330.000 kr. og sá dýrasti á 9.940.000 kr. Bíllinn sem prófaður var heitir Mercedes-Benz X-Class X250d Progressive og kostar 9.720.000.  
 
Í sumar er væntanlegur 258 hestafla sjálfskiptur Mercedes-Benz X-Class sem nefnist Power X350d. Margt fleira er hægt að segja frá í þessum bíl, en sökum plássleysis verð ég bara að benda á sölumenn Öskju eða að fara inn á vefsíðuna www.benz.is. 
 
Helstu mál og upplýsingar:
 
Hæð 1.890mm
Breidd m/speglum 2.113 mm
Lengd 5.340 mm
 

 

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...