Vinsamlegast athugið að þetta efni er eldra en 4 ára.
Steinþór Skúlason.
Steinþór Skúlason.
Mynd / HKr.
Fréttir 24. apríl 2019

Auðveldlega hægt að hagræða með helmingsfækkun sláturhúsa

Höfundur: Hörður Kristjánsson

Afnám frystiskyldu á innfluttu kjöti í kjölfar EFTA-dóms og frelsi í innflutningi á fersku kjöti geta haft verulegar afleiðingar á innlenda kjötframleiðslu að mati forstjóra SS. Við því sé hægt að bregðast, m.a. með helmingsfækkun sláturhúsa.   

„Þetta mun augljóslega raska sölu á innlendu nautakjöti og verð mun væntanlega lækka. Það mun þá væntanlega hafa ruðningsáhrif á aðrar kjöttegundir,” sagði Steinþór Skúlason, forstjóri SS, á aðalfundi Landssamtaka sauðfjárbænda. 

Telur hann að búast megi við sölusamdrætti á dilkakjöti hér innanlands eins og á öðru kjöti. Sagði Steinþór að best væri að bregðast við mögulegum samdrætti í sölu á dilkakjöti með hagræðingu.

Fjögur sláturhús duga

„Á síðastliðnu hausti var slátrað sauðfé í átta sláturhúsum á landinu. Það duga fjögur. Ég held að það sé auðveldlega hægt að spara 300 milljónir króna á ári í rekstrarkostnaði ef það yrði slátrað í fjórum húsum í staðinn fyrir átta. 

Hægt að spara allt að 60–80 krónur á kíló í slátrun

„Gróft reiknað þá gera 300 milljónir á tíu þúsund tonn um 30 krónur á kílóið sem hægt væri að spara með fækkun sláturhúsa. 

Ef afurðastöðvar fengju þess utan heimild til að vinna saman, hvort sem væri undir nýjum lögum eða með undanþágu frá samkeppnislögum, þá held ég að það væri hægt að spara 30–40 krónur í viðbót á hvert kíló. Það væri með því að afurðastöðvarnar gætu sérhæft sig og væru ekki allar að framleiða fyrir alla markaði. Sumir gætu sérhæft sig í útflutningi, aðrir fyrir ákveðinn hluta af innanlandsmarkaði og svo framvegis. Þarna er hagræðingarmöguleiki sem gæti í heildina numið 60–80 krónum á kílóið.

Óhagkvæmni lendir á endanum á bændunum sjálfum

Í þeirri stöðu sem blasir við okkur er ekki annað hægt en að fara þessa braut. Það er alveg ljóst að það verða engir aðrir en bændur sem borga fyrir þessa óhagkvæmni að lokum. Því ætti að vera mikill þrýstingur frá bændum á fækkun afurðastöðva, því það eru beinir hagsmunir ykkar bænda að það verði hagrætt,“ sagði Steinþór Skúlason. 

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...