Vinsamlegast athugið að þetta efni er eldra en 4 ára.
Karen Jónsdóttir og Berglind Häsler.
Karen Jónsdóttir og Berglind Häsler.
Fréttir 26. mars 2020

Vill að Ísland verði lífrænt - fyrst ríkja

Karen Jónsdóttir á og rekur Kaja Organic á Akranesi. Karen tileinkaði sér lífrænan lífstíl þegar hún veiktist fyrir allmörgum árum. Hún segist finna merkjanlegan mun á sér eftir að hún byrjaði að borða hreinan lífrænan mat. Hún á sér þann draum að Ísland verði fyrsta landið til að verða lífrænt með bæði lýðheilsu og umhverfissjónarmið að leiðarljósi. En það er langt í land enda aðeins um 1% af matvælaframleiðslu á Íslandi með lífræna vottun. Karen er þriðji viðmælandi Berglindar Häsler í Hlaðvarpi Havarí, samtal um lífræna ræktun og framleiðslu sem unnið er í samstarfi við VOR og Bændablaðið.

,,Það er risastórt lýðheilsumál að borða vel og því mættu veitingastaðir og mötuneyti taka sig á og svo ég tali nú ekki um leikskóla og skóla. Mín trú er sú að þú ert það sem þú borðar og að ala börn upp á erfðabreyttum mat, mat sem er ræktaður í eitri gerir ekki einu einasta barni gott. Þess vegna er ég mjög hrifin af þeirri stefnu sem dönsk stjórnvöld vinna nú eftir. Þau hafa tekið þá stefnu að 75% af því hráefni sem notað er í mötuneytum ríkisins og sveitarfélaga á að vera lífrænt (...) Danir vita að mannauðurinn skiptir máli og því þarf að hugsa vel um hann, sérstaklega börnin. Að ala börn upp á góðu fæði er gríðarlega mikilvægt. Þegar til lengri tíma er litið verður fólk minna veikt og  þroskast betur. Það vita það allir að það eru ýmis E-efni sem virka mjög illa á taugakerfi barna,” segir Kaja meðal annars.

Karen rekur eina kaffihús landsins sem vottað er lífrænt, þá er hún einnig heildsali, framleiðandi og frumkvöðull. Í þættinum fáum við að smakka fyrstu íslensku jurtamólkina – byggmjólk!

Það má eiginlega segja að Kaja Organic sé pínulítið stórveldi sem skiptir orðið máli fyrir Akranes enda atvinnuskapandi fyrir konur en atvinnuleysi kvenna á Skaganum er ansi hátt.

Karen er nýkomin í stjórn VOR og þar ætlar hún m.a. að beita sér fyrir sínu hjartansmáli, eftirliti með merkingum á matvælum.

,,Lífræn framleiðsla er dýrari, það eru meiri gæði og betri næring. Því sjá aðrir framleiðendur sér sumir hag í því að svindla á merkingum og eftirlitið er ekki nægt. Ég borga fyrir mína vottun og það er strangara eftirlit með lífrænni ræktun og framleiðslu og því er ekki sanngjarnt að aðrir framleiðendur séu með villandi merkingar. Hvorki gagnvart neytendum né lífrænum framleiðendum.”

Þetta og fleira og fleira í Hlaðvarpi Havarí að þessu sinni.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...