Vinsamlegast athugið að þetta efni er eldra en 5 ára.
Fulltrúar Rjómabúsins Erpsstaða með Fjöreggið á Matvæladaginn. Þorgrímur Einar Guðbjartsson, Gunnlaug Birta Þorgrímsdóttir og Dave Niemiec ostagerðarmaður.
Fulltrúar Rjómabúsins Erpsstaða með Fjöreggið á Matvæladaginn. Þorgrímur Einar Guðbjartsson, Gunnlaug Birta Þorgrímsdóttir og Dave Niemiec ostagerðarmaður.
Mynd / Kristín Edda Gylfadóttir
Fréttir 30. október 2018

Rjómabúið Erpsstaðir hlaut Fjöreggið

Höfundur: smh

Fjöreggið, viðurkenningu Matvæla- og næringarfræðifélags Íslands og Samtaka iðnaðarins, hlaut Rjómabúið á Erpsstöðum í Dölum, en það var afhent á Matvæladegi Matvæla- og næringarfræðafélags Íslands sem haldinn var á Grand hótel á fimmtudaginn.

Fjöreggið er veitt fyrir lofsvert framtak á matvæla- og næringarsviði og í umsögn dómnefndar um Erpsstaðir segir eftirfarandi: „Rjómabúið var stofnað vorið 2009, þegar ábúendur á Erpsstöðum hófu ísframleiðslu. Fyrsta sumarið var einungis seldur ís beint frá býli. Veturinn 2009/10 varð Rjómabúið Erpsstaðir ehf. til sem sér félag og hefur það frá þeim tíma aukið stöðugt við sína framleiðslu. Í dag er framleitt gamaldags skyr, tvær tegundir af ostum, margar tegundir af ís og skyrkonfekt, sem var þróað og hannað í samvinnu við námskeið á vegum Listaháskóla Íslands og Matís, sem kallaðist „Stefnumót hönnuða og bænda“. Á Erpsstöðum er rekin sveitaverslun sem selur framleiðsluvörur fyrirtækisins.“

Önnur verkefni og fyrirtæki sem voru tilnefnd til Fjöreggsins voru: AstaLýsi, blanda af íslensku astasantíni og síldarlýsi, Efstidalur II, fjölskyldubýli sem rekið er af fjórum systkinum og fjölskyldum þeirra,  Heilsuprótein, framleiðsla á verðmætum afurðum úr mysu sem áður hefur verið fargað, og Matartíminn, vörumerki í eigu Sölufélags garðyrkjumanna sem framleiðir mat handa skólabörnum.

Í dómnefnd 2018 sátu Sigurður Hannesson, framkvæmdastjóri Samtaka iðnaðarins formaður, Helga Margrét Pálsdóttir, gæðastjóri Ora, Sigrún Hallgrímsdóttir, deildarstjóri eldhúss og matsala Landsspítala Háskólasjúkrahúss og Steinar B. Aðalbjörnsson, markaðsstjóri Matís.

Verðlaunagripurinn er íslenskt glerlistaverk, hannað og framleitt hjá Gleri í Bergvík.

Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...