Vinsamlegast athugið að þetta efni er eldra en 3 ára.
Sleipnisbikarinn, heiðursverðlaun íslenskrar hrossaræktar, var afhentur eigendum stóðhestsins Skýrs frá Skálakoti, þeim Jakobi Svavari Sigurðssyni og Guðmundi Viðarssyni.
Sleipnisbikarinn, heiðursverðlaun íslenskrar hrossaræktar, var afhentur eigendum stóðhestsins Skýrs frá Skálakoti, þeim Jakobi Svavari Sigurðssyni og Guðmundi Viðarssyni.
Mynd / TB
Fréttir 2. júlí 2020

Rjóminn í íslenskri hrossarækt

Höfundur: Tjörvi Bjarnason
Landssýning kynbótahrossa var haldin á Gaddstaðaflötum við Hellu um síðustu helgi en þar voru samankomnir helstu gæðingar landsins. Þátttökurétt áttu tíu hæst dæmdu kynbótahross vorsins í öllum flokkum, auk stóðhesta með afkvæmaverðlaun. 
 
Gunnar Þorgeirsson, formaður Bændasamtaka Íslands, afhenti Sleipnisbikarinn. Honum á vinstri hönd er Sveinn Steinarsson, formaður Félags hrossabænda, sem stjórnaði verðlaunaveitingu af röggsemi. 
 
Þegar ljóst var að Landsmót hestamanna yrði blásið af vegna kórónuveirufaraldursins var fljótlega ákveðið að stefna að sýningarhaldinu til þess að svala þorsta aðdáenda íslenska hestsins.
 
Félagar í hestamannafélögum á Suðurlandi afhentu verðlaun á sýningunni.
 
Hlynur Guðmundsson, knapi og bóndi á Svanavatni, á fljúgandi skeiði á gæðingshryssunni Öskju frá Efstu-Grund, Skýrsdóttur.
 
Veðrið var eins og best verður á kosið og var greinilegt að um 1.200 gestir í brekkunni nutu dagsins til fullnustu. Hundruð áhorfenda fylgdust með beinu streymi af sýningunni á netinu víða um heim en þeir gátu valið um lýsingar á íslensku, ensku og þýsku. 
 
Pálmi Guðmundsson og Bjarney Jóna Unnsteinsdóttir.
 
Knaparnir Leifur George Gunnarsson, Lóa Dagmar Smáradóttir og Dagbjört Hrund Hjaltadóttir.
 
Óhætt er að segja að vel hafi tekist til með sýninguna sem stóð í einn dag. Það var hátíðleg stund þegar ræktendur og knapar tóku á móti verðlaunum fyrir hæst dæmdu hryssur og stóðhesta í sínum aldursflokkum. 
 
Ragnhildur Loftsdóttir veitti Álfadísarbikarnum viðtöku fyrir hæst dæmdu 4. vetra hryssu vorsins, Drift frá Austurási. Knapinn Árni Björn Pálsson hampar fyrstu verðlauna bikarnum.
 
Sleipnisbikarinn og afkvæmaverðlaun
 
Sleipnisbikarinn, heiðursverðlaun íslenskrar hrossaræktar, sem Bændasamtökin veita venjulega á Landsmóti hestamanna þeim stóðhesti sem stendur efstur til afkvæma, var afhentur ræktendum Skýrs frá Skálakoti en hann er 13 vetra stóðhestur með 128 stig í aðaleinkunn í kynbótamati og 52 sýnd afkvæmi. Guðmundur Viðarsson, ræktandi Skýrs og bóndi í Skálakoti, tók á móti Sleipnisbikarnum ásamt Jakobi Svavari Sigurðssyni, sem er meðeigandi hans og hefur séð um þjálfun þessa mikla gæðings.
 
Skýr frá Skálakoti með afkvæmum sínum og eigendum, þeim Jakobi Svavari Sigurðssyni og Guðmundi Viðarssyni. 
 
Afkvæmaverðlaun stóðhesta voru afhent ræktendum. Fyrstu verðlaun fyrir afkvæmi hlutu Stormur frá Herríðarhóli, Ölnir frá Akranesi, Konsert frá Hofi og Skaginn frá Skipaskaga. Heiðursverðlaun fyrir afkvæmi hlutu Loki frá Selfossi, Óskasteinn frá Íbishóli og áðurnefndur Skýr frá Skálakoti. Allir verðlaunagripir sem veittir eru á landsmótum í einstaklingssýningum og fyrir afkvæmahesta voru veittir á sýningunni.
 
Þeir Jón Vilmundarson og Þorvaldur Kristjánsson sátu í þulaskúrnum og héldu áhorfendum upplýstum um gang mála. 
 
Mikilvægur vettvangur til að kynna ræktunina
 
Þorvaldur Kristjánsson, ráðunautur í hrossarækt, sagði í aðdraganda sýningarinnar að mikilvægt væri að veita ræktendum og hestaeigendum vettvang til að kynna sína ræktun.
 
 „Það er nauðsynlegt að við sameinumst öll um þennan dag íslenskri hrossarækt til heiðurs og framdráttar; sýna heiminum að Ísland, upprunaland íslenska hestsins, er sannarleg uppspretta gæða í hrossavali,“ sagði Þorvaldur. 
 
Það er ýmislegt skrafað í brekkunni. Hér eru þeir Magnús Einarsson í Kjarnholtum, tvíburabræðurnir Jón og Þorgeir Vigfússynir frá Efri-Brúnavöllum ásamt Gunnari Þorgeirssyni og Guðna Ágústssyni.
 
Það var Félag hrossabænda, Ráðgjafarmiðstöð landbúnaðarins, Horses of Iceland hjá Íslandsstofu og félagið Rangárbakkar sem áttu veg og vanda af sýningarhaldinu. 
 
 
Upplýsingar um efstu hross í hverjum flokki og dagskrá landssýningarinnar er að finna hér.
 
Fleiri myndir frá mannlífinu á Gaddstaðaflötum er að finna í myndasafni Bændablaðsins en hestakosturinn er á myndum hér undir.
 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...