Vinsamlegast athugið að þetta efni er eldra en 4 ára.
Felgubolta undir stórum vinnuvélum þarf stundum að margherða.
Felgubolta undir stórum vinnuvélum þarf stundum að margherða.
Fréttir 14. janúar 2020

Nýtt ár byrjar á að skoða ýmsar hættur, reglur og annað gagnlegt

Höfundur: Hjörtur L. Jónsson
Stundum fæ ég góðar ábendingar um val á efni í þennan pistil og í einstaka tilfellum um að einhverjum mislíki efnisval. Verst finnst mér þegar ég hef gerst sekur um að fara með rangt mál og fyrir skömmu kom til mín maður með munnleg skilaboð og eftir þessi skilaboð þarf ég að biðjast afsökunar á að halda því fram hér í pistli að ekki væri til í reglum að hægt væri að sekta menn eða að taka bíl úr umferð fyrir að vera í vetrarumferð þar sem er snjór og hálka. 
 
Fyrir nokkru fékk ég skila­boð í gegnum þriðja aðila frá lögreglu­manni að hann hefði bæði sektað fyrir léleg dekk í vetrarumferð og að þessi sami lögreglumaður hafi fylgt bíl á hjólbarðaverkstæði til að skipta um dekk. Það broslega við skilaboðin voru að sá sem færði mér skilaboðin var beðinn sérstaklega að geta þess að lögreglumaðurinn hafi farið með bílstjóranum á viðkomandi bíl inn á verkstæðið og beðið afgreiðslumanninn á verkstæðinu um að afhenda ekki bílinn aftur fyrr en í aksturshæfu standi fyrir vetrarakstur. Spurning um að hjólbarðaverkstæðin fari að setja lögreglumenn á prósentur (mundi það nokkuð kallast mútur...?).
 
Áhersla sett á að breyta umferðarreglum í umferðarlög
 
Fyrir flestum eru umferðarreglur og umferðarlög það sama, en svo er víst ekki og um síðustu áramót tóku við ný umferðarlög sem er í sjálfu sér ekki mikil breyting nema hvað að áður var flest af því sem breytt var reglugerð og þær reglur eru nú orðnar af lögum. Sem þýðir að brjóti maður umferðarreglur sem eru umferðarlög má maður fastlega búast við sekt fyrir brotið. 
 
Í þessum pistlum hefur oft verið hamrað á ljósanotkun á bílum sem eru í umferð að ljós séu kveikt framan og aftan. Eins og margir vita koma margir bílar þannig að lítil ljós kvikna bara að framan þegar sett er í gang, þessi ljós eru ekki lögleg ökuljós samkvæmt íslenskum umferðarlögum (sama hvaða lög eru í öðrum löndum þá eru íslensk lög alltaf þau lög sem við þurfum að fara eftir). Nú mega þeir sem gleyma að kveikja ökuljósin því búast við sekt fyrir ljósleysi. Ég hef verið að hvetja þá ökumenn sem sjá bíla í umferð án afturljósa til að blikka háu ljósunum fyrir aftan þá til að láta vita af ljósleysinu og um leið forða viðkomandi við óþarfa sekt, sem er 20.000 krónur.
 
Mótorhjól og fjórhjól sem keyrð eru stutt í einu safna raka í olíuna.
 
Ýmsar aðrar breytingar á umferðarlögum
 
Í eldri reglum var að vörubílar og bílar með vagna mættu ekki fara hraðar en á 80 km hraða þó að hámarkshraði væri 90. Nú mega allir bílar keyra á sama hraða og sé ég að túlka nýju reglurnar rétt þá má keyra með heimasmíðuðu óskráðu kerruna sem er undir 750 kg á 90 km hraða sé það hámarkshraðinn í staðinn fyrir 60 km hraða áður. 
 
Dráttarvélar og skellinöðrur eru skráð sérstaklega og engin breyting er þar á hraðamörkum.
Varðandi áfengismagn í blóði er för ökumanns stöðvuð á staðnum ef vottur af áfengi mælist við akstur, en viðkomandi missir ekki ökuréttindin nema mæling á áfengi í blóði sé yfir 0,6. 
 
Margir ökumenn freistast til að kíkja á símann sinn þegar þeir eru stopp á ljósum, séu menn nappaðir fyrir það er það lagt að jöfnu við að tala í síma án handfrjáls búnaðar sem er 40.000 samkvæmt uppgefinni töflu um sektir.  
 
Nokkrar setningar sem gott er að muna og reyna að fara eftir
 
Vélarnar í fjórhjólum og öðrum litlum faratækjum sem eru notuð á vetrum í stuttan tíma í senn, ná oft ekki að hitna upp í vinnsluhita á milli þess að þær kólna niður í það hitastig sem er úti. Þá er mjög líklegt að vélarnar dragi inn á sig raka sem blandast smurolíunni. Því þarf að skipta oftar um smurolíu á þeim tækjum en uppgefið er í eigandahandbók. 
 
Ef skipt er um dekk undir öllum tækjum þarf alltaf að athuga með herslu á felguboltum, sérstaklega á stærri vinnuvélum. Af fenginni reynslu er miklu líklegra að felguboltar losni vinstra megin undir farartæki, þetta er vegna þess að í raun ætti, vegna snúningsáttar og akstursstefnu, að vera öfugur skrúfgangur vinstra megin á ökutækjum. Slíkt var algengt í vörubílum fyrir um 40–50 árum, en er sjaldséð í dag nema á örfáum bílum.
 
Sé fylgst vel með veðurspá og spáð er miklu frosti þá er mikil skynsemi í að fylla eldsneytistankinn af eldsneyti til að forðast rakamyndun inni í eldsneytistankinum og þeim leiðindamálum sem maður getur lent í fái maður raka í eldsneytið.
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...