Bændablaðið er málgagn bænda og landsbyggðar og kemur út hálfsmánaðarlega í prentformi. Blaðið inniheldur margvíslegan fróðleik fyrir bændur og alla áhugamenn um landbúnað og lífið í hinum dreifðu byggðum. Þar geta menn lesið um allt það nýjasta sem er að gerast í íslenskum landbúnaði og þannig fylgst með því sem er að gerast í þeirra fagi. Upplag Bændablaðsins er 20.500 eintök og því er dreift um allt land. Um þriðjungur upplagsins fer til bænda, þriðjungi er dreift á höfuðborgarsvæðinu og þriðjungi í þéttbýli á landsbyggðinni. Hægt er að nálgast blaðið m.a. á sundstöðum, á bensínstöðvum, í verslunum og söluturnum um allt land.

Vefútgáfu blaðsins er að finna á slóðinni www.bbl.is. Vefurinn fór formlega í loftið 17. apríl 2007 og er daglega með púlsinn á öllu því helsta sem er að gerast í íslenskum og erlendum landbúnaði ásamt því að gera hvers konar landsbyggðarmálefnum góð skil.

Hægt er að kaupa Bændablaðið í ársáskrift og fá það sent heim:
kr. 6.200 m. vsk. - full áskrift.
kr. 3.100 m. vsk. fyrir eldri borgara.