Vatnsberinn er eitthvað órór þessa dagana enda einhver stífla á verkefnum í kringum hann. Getur stíflan komið að peningaflæði sem grynnkar eitthvað á næstu vikum. Ef vel er haldið á spöðunum tvöfaldast þó fjárhagslegur ávinningur vatnsberans í sumarlok og því um að gera að leggja vel á ráðin. Happatölur 4, 29, 82.
Vatnsberinn hefur verið óvanalega ánægður með sjálfan sig undanfarið og öruggur í sínum þankagangi. Framtíðarsýn hans virðist greiðari og hnitmiðaðri en áður og hann má treysta því að vel fari. Örlítil veikindi eru í kortunum, en nýta má þann tíma til að liggja undir feldi og safna kröftum fyrir það sem fram undan er. Happatölur 18, 21, 15.
Vatnsberinn er spenntur og glaður í lund. Hann ætti að vinna áfram með skipulagningu lífs síns, en hafa í huga að einhver í náfjölskyldunni þarfnast athygli hans og jafnvel fleiri en einn. Vatnsberinn þarf því að rækta fjölskyldutengslin sem best hann getur um þessar mundir. Happatölur 30, 7, 73.
Vatnsberinn hefur í mörgu að snúast þessa dagana en er þó frekar skýr í kollinum og veit hvert hann vill stefna. Nú er góður tími til að búa í haginn fyrir framtíðina enda vatnsberanum allir vegir færir. Hann skal ekki hika við að stefna hátt og nýta þau sambönd sem hann hefur. Happatölur 6, 31, 18.
Vatnsberinn þarf núna að taka sig taki og sýna röggsemi. Lífið á það til að flæða í kringum hann og meðfram honum, en hans bíða þó ótal ævintýr sem hefjast um leið og hann tekur ákvörðun um hvert hann vill stefna. Þetta þarf hann að gera einn og óstuddur, óhræddur við afleiðingarnar. Happatölur 5, 23, 98.
Vatnsberinn hefur alla burði til þess að koma í framkvæmd þeim hugmyndum sem eru honum efstar. Skipulagsgáfa hans er með besta móti og um að gera að nýta hana sem fyrst. Eitthvað er um veikindi í kringum hann, þó ekki alvarleg en hann ætti sjálfur að gæta þess að veikjast helst ekki. Mikil lukka er í loftinu. Happatölur 23, 16, 80.
Vatnsberinn tekur nú fyrstu skref í því sem mun hafa afar mikil áhrif á líf hans, heilmikil þroskaskref þegar síðar er litið til baka. Hann mun upplifa innri vellíðan þegar síst varir og koma sjálfum sér skemmtilega á óvart. Allt útlit er fyrir því að hann stígi sæll og glaður þessi síðustu skref febrúarmánaðar og að honum streymi óvæntir fjármunir...
Vatnsberinn er óvenju bjartsýnn á komandi vikur og hefur í kollinum hugmyndir að betra lífi. Þann þankagang ætti hann að nýta til að virkja þá hluti sem hafa verið að gerjast innra með honum, enda kemur á óvart hvað getur orðið þegar boltinn fer að rúlla. Líkamlegt atgervi hans er með besta móti og innri ró með ágætum. Happatölur 5, 15, 26.
Vatnsberinn þarf að huga að útgeislun sinni, því þar er einhverju ábótavant. Sjálfstraust í ástarmálum á einhvern hlut í máli, en vatnsberinn má þó ganga hnarrreistur áfram þessa fyrstu mánuði ársins, enda lífið fram undan. Happatölur 5, 15 og 32.
-ingibjorg-helkas-a-reykjum.jpg?w=110&h=87&mode=crop)
