Vinsamlegast athugið að þetta efni er eldra en 4 ára.
![Matvælastofnun er lögbært yfirvald – og þar með ábyrgðaraðili – í ýmsum þeim málum sem ESA gerir athugasemdir við í eftirlitsskýrslu sinni.](/media/1/_dsf0935.jpg?w=900)
Fréttir 10. febrúar 2020
Höfundur: smh
Eftirliti er ábótavant með kjöt- og mjólkurframleiðslu á Íslandi. Þetta kemur fram í nýrri eftirlitsskýrslu sem Eftirlitsstofnun EFTA (ESA) hefur gefið út.
Aðalmarkmið úttektar ESA var að meta opinbert eftirlit varðandi hollustuhætti kjöt- og mjólkurframleiðslu í landinu – og kjöt- og mjólkurafurða. Úttektir fóru fram á Íslandi dagana 14. til 23. október og farið meðal annars í vettvangsferðir í fjögur sláturhús.
Bæta þarf heilbrigðisskoðunina eftir slátrun
Í niðurstöðum skýrslunnar kemur meðal annars fram að dýralæknar þurfi að bæta heilbrigðisskoðunina sem fram fer eftir slátrun þannig að hún sé í samræmi við lög. Þá er lögð áhersla á að þjálfun dýralækna, sem starfa við eftirlit í sláturhúsum, sé fullnægjandi.
Varðandi matvælafyrirtækin eru nokkur atriði tiltekin þar sem mikilvægt sé að Matvælastofnun hafi betra eftirlit með, til að mynda að kröfur um hollustuhætti sé fylgt. Eru nokkur atriði af þeim toga nefnd sem þarf að bæta.
Einnig eru gerðar athugasemdir við störf svokallaðra opinberra tilvísunarrannsóknarstofa, meðal annars á sviði örverufræði og rannsóknum á þráðormum sem þær rækja ekki með fullnægjandi hætti. Meira samræmi þarf að vera á milli starfa á opinberum rannsóknarstofum og samanburðarpróf þurfa að vera á milli þeirra til að forðast ónákvæmni í rannsóknarniðurstöðum.
Tiltekin atriði í opinberu eftirliti Matvælastofnunar eru þannig ekki í fullu samræmi við kröfurnar á Evrópska efnahagssvæðinu (EES). Leggur ESA fram tillögur um hvernig ráða megi bót á þessum atriðum.
Matvælastofnun setur fram aðgerðaráætlun
Matvælastofnun brást þegar í stað við aðfinnslunum og setti fram aðgerðaráætlun í samræmi við tillögur ESA. Hún er birt í eftirlitsskýrslunni og þar er gert ráð fyrir að henni verði að fullu lokið fyrir árslok 2021.
ESA ber skylda til þess samkvæmt EES-samningi að hafa eftirlit með því að aðildarríkin innleiði löggjöf samningsins og uppfylli þær kröfur sem hún gerir. Þessu hlutverki sinnir ESA með úttektarheimsóknum til ríkjanna þar sem eftirlit opinberra aðila er tekið út á sviði matvæla- og fóðuröryggis, dýraheilbrigðis og dýravelferðar.
Skýrsluna má nálgast í gegnum vef EFTA, eftasurv.int.
Fréttir 15. júlí 2024
Ráðuneytið svarar ESA um óvissuatriði
Matvælaráðuneytið segir í svari við fyrirspurn ESA, Eftirlitsstofnun EFTA, að sa...
Fréttir 15. júlí 2024
Farsæll áhugaræktandi
Þrír synir undan heiðursverðlaunahryssunni Álöfu frá Ketilsstöðum komu fram á La...
Fréttir 12. júlí 2024
Hundrað hesta setningarathöfn
Setningarathöfn Landsmóts hestasmanna er alla jafna hátíðleg.
Fréttir 11. júlí 2024
Til þess var leikurinn gerður
Stjórn Búsældar hefur fyrir sitt leyti samþykkt söluna á Kjarnafæði Norðlenska t...
Fréttir 11. júlí 2024
Skammur aðdragandi að sölunni
Bræðurnir Eiður og Hreinn Gunnlaugssynir hafa sem áður segir samþykkt kauptilboð...
Fréttir 11. júlí 2024
Kaup Skagfirðinga á Kjarnafæði Norðlenska
Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...
Fréttir 11. júlí 2024
Tilþrif á Landsmóti
Enginn skortur var á glæsilegum tilþrifum stólpafáka sem komu fram í gæðingakepp...
Fréttir 11. júlí 2024
Verður langstærsta kjötafurðastöð landsins
Kaupfélag Skagfirðinga (KS) hefur gert kauptilboð í allt hlutafé Kjarnafæðis Nor...
15. júlí 2024
Farsæll áhugaræktandi
15. júlí 2024
Gengið á rétt bænda með gullhúðun
15. júlí 2024
Stjörnuspá vikunnar
15. júlí 2024
Ráðuneytið svarar ESA um óvissuatriði
12. júlí 2024