Vinsamlegast athugið að þetta efni er eldra en 6 ára.
Vilja kanna hvort markaður sé fyrir hendi hér á landi
Fréttir 3. ágúst 2018

Vilja kanna hvort markaður sé fyrir hendi hér á landi

Höfundur: Erla Hjördís Gunnarsdóttir
Það varð uppi fótur og fit á Facebook-þræði á dögunum þegar í ljós kom að Emmessís ehf. flytur inn Skyrís unninn úr lífrænni mjólk og lífrænum berjum frá Danmörku og þótti ýmsum það skjóta skökku við að fyrirtækið framleiði ekki vöruna sjálft úr íslenskum lífrænum mjólkurafurðum og berjum.
 
Gyða Dan Johansen, hluthafi og stjórnarmaður í Emmessís ehf., segir umræðuna um Skyrísinn eðlilega líkt og að fólk velti því fyrir sér af hverju hann sé fluttur inn. 
 
Þess má geta að tollar á ís lækkuðu 1. maí síðastliðinn en samið var um það í tollasamningum við Evrópusambandið í september árið 2015. 
 
„Emmessís ehf. er einkafyrirtæki og hefur verið frá 2007. Við erum að keppa á samkeppnismarkaði. Eftir breytingar á tollalögum sem tóku gildi 1. maí voru tollar meðal annars lækkaðir á innfluttum ístengdum vörum sem unnar eru úr mjólkurafurðum, sem margir hafa barist fyrir, og þá harðnar að sjálfsögðu á samkeppnismarkaði, þar sem neytendur horfa oftar en ekki á verð, fremur en uppruna vörunnar,“ útskýrir Gyða Dan og segir jafnframt: 
 
„Við hjá Emmessís ehf. fram­leiðum allan okkar rjómaís úr íslenskri mjólk og erum stolt af því. Okkur hefur lengi langað til að þróa skyrís og höfum unnið að því undanfarið. Hjá Hansens Flödeis, þaðan sem þessi Skyr­íspinni kemur, hafa þeir þróað og framleitt til lengri tíma Skyríspinna, sem hefur slegið í gegn á þeirra markaði. Þetta er svona hálfgerð markaðskönnun hjá okkur, að kanna hvort það sé markaður fyrir sams konar vöru hér.“
 
 
Framleitt eftir íslenskri uppskrift
 
Hinn umræddi danski skyrís var settur á markað um miðjan júní og hefur verið vel tekið af neytendum, að sögn Gyðu.
 
„Markmiðið er alltaf að koma með á markað sams konar vöru, það er að segja skyrís, hvort sem er í boxi eða pinnaformi, framleitt hér hjá okkur úr íslensku skyri og helst að nota lífræna mjólk ef hægt er. En til gamans má geta að danski skyríspinninn er framleiddur úr skyri frá Thise, sem er framleitt eftir íslenskri uppskrift, gerli og hefð og Hansens Flödeis safnar sinni mjólk sjálfir og geta því valið búið sem þeir sækja sína mjólk til framleiðslu,“ segir Gyða Dan og bætir við:
 
„Vegna mikillar vinsældar á skyri hafa margir framleiðendur í nágrannalöndum okkar verið að þróa skyrís og við hjá Emmessís ehf. einnig. Vegna smæðar getur samt verið dýrkeypt að fara í framleiðslu og dreifingu á vöru sem ekki er markaður fyrir og var því ákveðið að flytja inn hágæða lífrænan skyríspinna frá Hansens Flödeis í Danmörku vegna mikillar þekkingar og þróunar á vörunni. Markmið Emmessís ehf. er alltaf að þróa eigin vöru úr íslenskum afurðum ef markaður er til staðar. Við þekkjum það öll að nú þegar eru neytendur að versla ýmsar innfluttar vörur, til dæmis ísmola og innfluttan ís, eingöngu vegna þess að verðið er lægra. Á endanum eru það alltaf neytendur sem ráða.“
Slæmt ástand á kolsýruvinnslu
Fréttir 30. ágúst 2024

Slæmt ástand á kolsýruvinnslu

Ástand kolsýruuppspretta á Hæðarenda í Grímsnesi er ekki í lagi að mati eiganda ...

Sigurborg mótar nýja heildarstefnu í dýraheilsumálum
Fréttir 30. ágúst 2024

Sigurborg mótar nýja heildarstefnu í dýraheilsumálum

Sigurborg Daðadóttir fer úr embætti yfirdýralæknis og tekur við nýju starfi í ma...

Reiknað afurðaverð hækkar um 0,67%
Fréttir 30. ágúst 2024

Reiknað afurðaverð hækkar um 0,67%

Sláturfélag Suðurlands (SS) hækkaði í síðustu viku afurðaverð til sauðfjárbænda....

Útlit fyrir sæmilega kartöfluuppskeru
Fréttir 29. ágúst 2024

Útlit fyrir sæmilega kartöfluuppskeru

Í Þykkvabænum er útlit fyrir sæmilega kartöfluuppskeru þegar á heildina er litið...

Heildarstefna í dýraheilbrigðismálum
Fréttir 29. ágúst 2024

Heildarstefna í dýraheilbrigðismálum

Sigurborg Daðadóttir, fráfarandi yfirdýralæknir, hefur tekið við starfi í matvæl...

Kyngreining sæðis hefst í haust
Fréttir 28. ágúst 2024

Kyngreining sæðis hefst í haust

Nautastöð Bændasamtaka Íslands (NBÍ) hefur gengið frá samningum við bandaríska f...

Ullarvika á Suðurlandi
Fréttir 28. ágúst 2024

Ullarvika á Suðurlandi

Ullarvika á Suðurlandi verður haldin í þriðja sinn dagana 29. september til 5. o...

Þingað um þörunga
Fréttir 28. ágúst 2024

Þingað um þörunga

Alþjóðleg þörungaráðstefna, Arctic Algea, verður haldin í Reykjavík 4. og 5. sep...