Skagfirðingar fá líka arð
Kúabændur í Skagafirði munu njóta ágóða af góðum rekstri á erlendum skyrmörkuðum með kreditfærslu í viðskiptareikning sinn við Kaupfélag Skagfirðinga.
Bréf þess efnis barst bændum á dögunum. Færslur námu 1,2 krónum fyrir hvern innlagðan lítra til mjólkursamlags KS á árinu 2023 sem er í takt við það sem félagsmenn Auðhumlu fengu greitt í arðgreiðslu.
Aðalfundur Auðhumlu hafði áður samþykkt að greiða mjólkurframleiðendum á sínu starfssvæði út arð vegna jákvæðrar rekstrarafkomu Ísey útflutnings ehf. á árinu 2023. Ísey útflutningur er í 80 prósenta eigu Auðhumlu en Kaupfélag Skagfirðinga á 20 prósent. Arðurinn sem félagið greiddi til eigenda sinna var í heild 200 milljónir króna.