Undanfarin ár hafa umhverfisverndarsinnar og bændur barist hart gegn framgöngu orkurisans RWE sem hefur verið að þenja út 44 ferkílómetra Hambach brúnkolanámu sína í Norður-Rín-Westphallia í vesturhluta Þýskalands.
Kínverjar hafa verið í hraðri uppbyggingu í orkugeiranum heima fyrir á öllum sviðum orkuframleiðslu. Þrátt fyrir allt tal um að draga úr losun gróðurhúsalofttegunda, þá eru Kínverjar enn á fullu í að byggja upp kolaorkuver, bæði í Kína, öðrum Asíuríkjum, Mið-Austurlöndum, Afríku og í Evrópu samhliða uppbyggingu í vistvænni orku.
Samkvæmt fréttum frá Reuters, Frankfurter Allgemeine Zeitung og Tagesspiegel gáfu þýsk yfirvöld þann 30. október grænt ljós á að ljúka byggingu Datteln 4 kolaorkuversins sem er í eigu stórfyrirtækisins Uniper Kraftwerke GmbH og verður það tengt við raforkukerfi Þýskalands.
