Á döfinni í desember
Uppákomur og skemmtanir eru árvissir viðburðir um þetta leyti og ýmislegt áhugavert á döfinni í kringum landið. Jólamarkaðir, leiksýningar, skautasvell og tónleikahald er einungis lítið brot af því sem hægt er að njóta á þessum ævintýralegasta tíma ársins og ekki má gleyma jólasveinunum sem geta stungið upp kollinum alveg óvænt. Hér má finna ýmislegt sem allir aldurshópar geta glatt sig við
Norðurland
Heimsókn í Jólagarðinn á aðventunni kemur öllum í jólaskapið. Aðeins um 10 mínútna akstur frá Akureyri. Opið alla daga fram að jólum frá 12–21.
12., 19. og 23. des. verður örnámskeið í JólaNidra í Vökulandi Eyjafjarðarsveit sem byrjar stundvíslega kl. 18.30 til kl.19.15 Stakur tími kr.2500, öll þrjú skiptin 7000 kr. og skráning með skilaboðum í s. 6630498.
12.–23. des. Á aðventunni verða Jólasveinarnir í Dimmuborgum á sveimi og taka á móti gestum við hellismunnann sinn á milli klukkan 11 og 13. Sex ára börn og eldri greiða 2.000 kr. en miðasala er á Tix.is.
20. des. Jólaopnun í Skriðu, Eyrargötu á Patreksfirði. Opið verður á prentverkstæðinu kl.16 og hægt að versla ýmsar handgerðar gjafir frá Skriðu fyrir jólin. Heitt á könnunni og piparkökur.
Jólamarkaður Helga og Beate í Kristnesi, Eyjafirði svíkur engan, en hann er opinn frá kl. 13–17 frá og með 18. des. til jóla.
Höfuðborgarsvæðið
Jólaljósaskreyttur Fjölskyldu- og húsdýragarður býður gestum í heimsókn en kvöldopnanir eru alla aðventuna. Opið verður til kl. 20 föstudaga til sunnudaga frá 29. nóvember til jóla. Hefðbundinn opnunartími er annars alla daga frá kl. 10 til 17 og þá gildir hefðbundinn aðgangseyrir 19.–20. des.
20. des Snjóboltastríð kl 19:00 að Arnarhóli við Lækjargötu Jólamarkað er að finna við Austurvöll, en opnunartímar hans eru 19.–20. des.: 16–20, 21–22. des.: 12–21 og 23. des.: 14–23.
Jólabærinn Hafnarfjörður opnar Jólaþorpið gestum á föstudögum frá kl. 17–20 og um helgar frá kl. 13–18. Kaffihúsið í Hellisgerði verður opið á opnunartíma Jólaþorpsins og alltaf til kl. 20 þau kvöld auk þess sem Hjartasvellið á Ráðhústorginu verður opið fimmtudaga–sunnudaga til 23. desember, svo og tívolí við Venusarhúsið, Strandgötu 11.
Vesturland
27. nóv.–21. des. Jólamarkaður í Loppusjoppunni, Nesvegi 13 Stykkishólmi. Opið miðviku- og föstudaga á milli kl 14–18 og laugardaga kl 12–15. Hægt er að versla eða selja það sem tengist jólunum á markaðnum.
21. des. Með aðventudagskrá Snæfellsjökulsþjóðgarðs má gera sér dagamun, en boðið verður upp á barnastund með jólaívafi auk aðventugöngu með landverði í Djúpalóni. Frekari upplýsingar má finna á www snaefellsjokull.is.
Suðurland
19–22. des. Listasafn Árnesinga býður gestum sínum upp á ýmiss konar sýningar sem gaman er að kíkja á og næra andann í miðri jólaös. Þar er um auðugan garð að gresja, skemmtilegar tengingar lista og vísinda.
Austurland
Finnsstaðir og Leikfélag Fljótsdalshéraðs bjóða upp á jóla- og ævintýrastemningu á Finnsstöðum alla laugardaga á aðventunni frá kl. 15–17. Teymt verður undir ungum knöpum, grillaðir sykurpúðar í skóginum, kakó og mikið fjör jólasveina og fleiri ævintýrapersóna.
