Vinsamlegast athugið að þetta efni er eldra en 2 ára.
Íslenskur landbúnaður grunnstoð fæðuöryggis
Mynd / Guðrún Björg Egilsdóttir
Leiðari 8. júní 2022

Íslenskur landbúnaður grunnstoð fæðuöryggis

Höfundur: Gunnar Þorgeirsson formaður Bændasamtaka Íslands - gunnar@bondi.is

Í upphafi þessa leiðara vil ég koma á framfæri þökkum til Harðar Kristjánssonar, fráfarandi ritstjóra Bændablaðsins til 15 ára, fyrir vel unnin störf.

Hörður hefur stýrt ritstjórn blaðsins með miklum sóma og gert okkar blað bænda að eftirsóttu lesefni fyrir alla landsmenn. 

Einnig vil ég bjóða velkomna í stól ritstjóra Guðrúnu Huldu Pálsdóttur, sem tekið hefur við sem ritstjóri og er þetta fyrsta blað á hennar ábyrgð.

Fæðuöryggi

Talsverð vinna hefur farið fram á skrifstofu Bændasamtakanna í að fylgjast með þróun markaða með aðföng til bænda og einnig þær aðgerðir sem nágrannalönd okkar eru að gera til að tryggja fæðuöryggi sinna þjóða í samningum við bændur.

Nú hefur ráðherra matvæla skipað svokallaðan spretthóp til að móta tillögur til ráðherra um aðgerðir vegna þróunar á mörkuðum.

Ég vil fagna því að ráðherra skipi þennan hóp en hann fær ekki marga daga til að skoða þessi mál, sem eru ansi umfangsmikil.

Vinnan sem fram hefur farið af okkar hálfu nýtist vonandi inn í þessa umræðu og tekið verði tillit til þeirra atriða sem við höfum haft mestar áhyggjur af. En við sem framleiðendur verðum einnig að leita allra leiða til að hagræða í rekstri í flóknu umhverfi aðfangakerfisins.

Þar er af mörgu að taka; olíuhækkanir, umbúðahækkanir, flutningshækkanir, fasteignaskattshækkanir og svo mætti lengi telja, svo ekki sé talað um verðbólgu og vaxtahækkanir, en allt þetta hefur áhrif á afkomu íslenskra bænda. En enn og aftur þá er ábyrgð okkar sem frumframleiðendur mikil.

Bændur og búalið

Ég tel að bændur séu nokkuð bjartsýnir þrátt fyrir allt og ekki skemmir tíðarfarið, sem hefur verið með eindæmum gott meira og minna um allt land. Þetta kemur upp á móti hækkandi áburðarverði þar sem uppskera virðist stefna í sæmilegar afurðir. En sumarið er nú ekki búið en nauðsynlegt að horfa á það jákvæða í þessari stöðu. Annað verkefni sem við höfum verið að vinna að er í samstarfi við laxeldisbændur sem ætla sér að framleiða lax á landi. En það er hvernig við getum nýtt þeirra afurðir sem falla til við framleiðsluna í hringrásarhagkerfi Íslands.

Það er mjög athyglisverð nálgun á þeim vettvangi sem mikilvægt er að við sem bændur komum að til að nýta þau verðmæti sem falla til við þessa framleiðslu.

Öll þessi fæðuhugtök
Leiðari 11. mars 2025

Öll þessi fæðuhugtök

Undanfarinn mánuð hefur umfjöllun um matvæli verið skreytt ýmsum keimlíkum orðum...

Átök vegna osta
Leiðari 21. febrúar 2025

Átök vegna osta

Landbúnaður virðist ekki eiga sér viðreisnar von þessa dagana. Bændur eru skelka...

Áreiðanleiki gagna og upplýsandi umræða
Leiðari 24. janúar 2025

Áreiðanleiki gagna og upplýsandi umræða

Bændablaðið er mest lesni prentmiðill landsins annað árið í röð skv. nýjum niður...

Bændablaðið í 30 ár
Leiðari 10. janúar 2025

Bændablaðið í 30 ár

Í mars verða þrjátíu ár síðan Bændablaðið kom fyrst út undir merkjum þá nýstofna...

Bændur, blaðið og skörungar
Leiðari 27. desember 2024

Bændur, blaðið og skörungar

Lognmolla er eitthvað sem á sér aldrei stað í landbúnaði. Atvinnugreinin er hrin...

Kjöt og kosningar
Leiðari 22. nóvember 2024

Kjöt og kosningar

Eftir nokkra daga mun þjóðin velja þá sem sitja á Alþingi næstu fjögur ár. Kosni...

Lágmarkskröfurnar
Leiðari 11. október 2024

Lágmarkskröfurnar

Tíunda grein laga um velferð dýra fjallar um getu, hæfni og ábyrgð umsjónarmanna...

Að vernda landbúnaðarland
Leiðari 1. október 2024

Að vernda landbúnaðarland

Margir tengja Hornafjörð við kartöflur enda eru þar mikil og góð ræktarsvæði sem...

https://bestun.airserve.net/banner_bundles/de3e87e0d8dde67f98882b3ac12f8b2f