Fæðuöryggi í Hlöðunni: Heimaræktun og sjálfbærni
Dagný Guðmundsdóttir og Sigurður Jónsson eru viðmælendur Guðrúnar Huldu í nýjum þætti um Fæðuöryggi á Hlöðunni, hlaðvarpi Bændablaðsins.
Efni þáttarins snýr að fæðuöryggi einstaklingsins og heimilisins. Í viðtali við Bændablaðið árið 2017 fjalla þau um vegferð sína að því líferni sem þau hafa tileinkað sér, sem snýst meðal annars um um að safna, rækta og vinna úr matvælum úr landskika sínum, Skyggnissteini í Bláskógabyggð.
Þau hafa einnig verið að deila þekkingu sinni á ýmsan hátt, m.a. með því að útbúa æt listaverk í almannarými borgarinnar. Dagný mun vera með leiðsögn um eitt af þeim verkum nk. sunnudag, 27.júní kl. 13.
Í hlaðvarpinu fara þau í umræður um fæðuöryggi einstaklings og heimilisins og ræða m.a. um hraukbeð, vistrækt, fullnýtingu afurða, möguleika og raunsæi heimaræktunar í nútímasamfélagi.
Hægt er að hlusta á þáttinn með því að smella hér eða í öllum helstu hlaðvarpsveitum.