Heimild til undanþágu í uppfærðum leiðbeiningum fyrir göngur og réttir
Búið er að uppfæra leiðbeiningar fyrir göngur og réttir vegna COVID-19. Helstu breytingar eru þær að nú er komin heimild til að veita almenna undandþágu vegna nándarmarka í fjallaskálum þannig að heimilt verður að viðhafa 1 metra á milli einstaklinga í fjallaskálum, þegar því verður ekki viðkomið að halda 2 metra fjarlægð. Eins er heimild til undanþágu frá fjöldatakmörkun vegna réttarstarfa þannig að fleiri en 100 manns geti tekið þátt.
Upplýsingar um helstu atriði nýju leiðbeininganna er að finna á vef Landssamtaka sauðfjárbænda, en þau taka einnig við umsóknum um fyrrgreindar undanþágur.