Smitvarnir og öryggisráðstafanir fyrir bændur og frumframleiðendur
Ráðgjafarmiðstöð landbúnaðarins hefur sett saman ráðleggingar til bænda og frumframleiðenda um smitvarnir vegna COVID-19. Í frétt á vef RML segir að markmiðið sé að verja fólk, bú og starfsstöðvar til þess að tryggja órofinn rekstur og takmarka mögulegt tjón.
Ráðleggingum RML er skipt í fjóra hluta:
1) Ráð til að takmarka smit hjá bændum og öðrum sem starfa í landbúnaði.
2) Hvernig haga skuli nauðsynlegum utanaðkomandi heimsóknum.
3) Varúðarráðstafanir.
4) Tilvísanir í leiðbeiningar landlæknis um viðbrögð komi upp veikindi á starfsstöðinni sjálfri.
Ráðleggingar RML má nálgast hér á pdf-formi.
Ráðunautar RML veita frekari ráðleggingar um framkvæmd smitvarna í síma 516 5000 eða í gegnum netfangið rml@rml.is.