Fjórtán bú tilnefnd sem ræktunarbú ársins 2019
Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins. Valið stóð á milli 30 búa sem náð höfðu athyglisverðum árangri á árinu.
Tilnefnd eru 12 efstu bú ársins að loknum útreikningi, í ár voru þrjú bú jöfn í tólfta sæti og eru búin því 14 í ár. Reglur fagráðs um ræktunarbú ársins má finna inn á heimasíðu Félags hrossabænda, fhb.is. Tilnefnd bú munu hljóta viðurkenningu á ráðstefnunni Hrossarækt 2019 sem haldin verður á Hótel Sögu laugardaginn 2. nóvember næstkomandi og byrjar kl. 14:00. Ræktunarbú ársins verður svo verðlaunað á Uppskeruhátíð hestamanna sem einnig verður haldin á Hótel Sögu um kvöldið.
Í stafrófsröð eru tilnefnd bú:
- Fet, Karl Wernersson
- Garðshorn á Þelamörk, Agnar Þór Magnússon og Birna Tryggvadóttir Thorlacius
- Hafsteinsstaðir, Hildur Claessen og Skapti Steinbjörnsson
- Hlemmiskeið 3, Árni Svavarsson og Inga Birna Ingólfsdóttir
- Hólabak, Björn Magnússon
- Höfðabakki, Sigrún Kristín Þórðardóttir og Sverrir Sigurðsson
- Ketilsstaðir/Syðri-Gegnishólar, Bergur Jónsson og Olil Amble
- Rauðalækur, Eva Dyröy, Guðmundur Friðrik Björgvinsson og Kristján G. Ríkharðsson
- Stóra-Hof, Bæring Sigurbjörnsson og Kolbrún Jónsdóttir
- Skipaskagi, Jón Árnason og Sigurveig Stefánsdóttir
- Strandarhjáleiga, Sigurlín Óskardóttir, Þormar Andrésson og fjölskylda
- Stuðlar, Edda Björk Ólafsdóttir og Páll Stefánsson
- Torfunes, Baldvin Kr. Baldvinsson
- Þúfur, Gísli Gíslason og Mette Mannseth