Þúsundum tonna af fiski hent
Vangaveltur um brottkast til sjós þekkjast víðar en á Íslandi. Rannsóknir á veiðum við Bretlandseyjar benda til að þúsundum tonna af fiski sé hent í sjóinn í Norðursjó og við Skotland á hverju ári.
Mest er brottkastið sagt vera á undirmálsfiski sem meðal annars veiðist í net með ólöglega og allt of smáa möskva. Samkvæmt lögum Evrópusambandsins er allt brottkast á fiski bannað og allur afli talinn til kvóta.
Talið er að á síðasta ári hafi um 10,5 þúsund tonnum af þorski og ýsu verið varpað ólöglega í sjóinn við
Bretlandseyjar og er það meðal annars stutt af því að lítill sem enginn undirmálsfiskur berst að landi og er skráður sem afli fiskiskipa sem veiða nálægt uppeldisstöðvum fiska.