Vinsamlegast athugið að þetta efni er eldra en 6 ára.
Fréttir 5. október 2017
Höfundur: Hörður Kristjánsson
Landssamtök sauðfjárbænda gengust nýverið fyrir könnun á meðal félagsmanna um afstöðu þeirra til ýmissa hagsmunamála. Var þar spurt út frá þeirri erfiðu stöðu sem nú er uppi til að betur mætti átta sig á hvað bændur vildu gera.
Sala og markaðssetning kindakjöts er bændum greinilega mjög hugleikin og kom það greinilega fram í könnuninni. Í niðurstöðunum má líka greina megna óánægju bænda með afurðastöðvarnar sem margar hverjar eru þó að stórum hluta í þeirra eigu.
Spurt var: „Að því gefnu að lög heimili eða lagaheimild fáist, telur þú skynsamlegt að stofna eitt sameiginlegt útflutningsfyrirtæki í eigu bænda til þess að sjá um útflutning á öllu íslensku lambakjöti?“
Vilja eitt sameiginlegt sölufyrirtæki fyrir innanlandsmarkað
Þótt skýr afstaða með eða á móti frekari sameiningum afurðastöðva liggi ekki fyrir, þá er sauðfjárbændum mjög umhugað um að stofnað verði eitt sameiginlegt sölufyrirtæki í eigu bænda til þess að sjá um sölu og dreifingu á öllu íslensku lambakjöti innanlands. Horfa menn þar greinilega til þess árangurs sem bændur innan Sambands garðyrkjubænda hafa náð í gegnum Sölufélag garðyrkjumanna. Telja um 57% sauðfjárbænda ýmist mjög eða frekar skynsamlegt að stofna slíkt fyrirtæki. Hins vegar telja 24% bændanna slíkt óskynsamlegt eða mjög óskynsamlegt, en 19,1% voru hlutlausir í afstöðu sinni til spurningarinnar.
Spurt var: „Að því gefnu að lög heimili eða lagaheimild fáist, telur þú skynsamlegt að stofna eitt sameiginlegt sölufyrirtæki í eigu bænda til þess að sjá um sölu og dreifingu á öllu íslensku lambakjöti innanlands?“
Mjög mikill áhugi á stofnun útflutningsfyrirtækis bænda
Þegar bændur voru spurðir um afstöðuna til þess hvort skynsamlegt væri að stofna eitt sameiginlegt útflutningsfyrirtæki í eigu bænda til þess að sjá um útflutning á öllu íslensku lambakjöti var afstaðan mjög skýr. Töldu um 79% bænda það ýmist mjög eða frekar skynsamlegt. Einungis 4% aðspurðra töldu slíkt mjög óskynsamlegt og 5,5% töldu það frekar óskynsamlegt. Þá voru 11,7% bænda hlutlausir gagnvart þessari spurningu.
Sauðfjárbændur voru spurðir fjölmargra annarra spurninga í þessari könnun, eins og um afstöðu þeirra til hugmynda fráfarandi landbúnaðarráðherra á lausn vanda
sauðfjárbænda. – Sjá nánar á bls. 2 í nýju Bændablaði.
Fréttir 8. maí 2024
Nýtt verknámshús byggt á Sauðárkróki
Verknámshús Fjölbrautaskóla Norðurlands vestra (FNV) á Sauðárkróki mun stækka ve...
Fréttir 7. maí 2024
Torfæra til styrktar björgunarsveitinni
Laugardaginn 11. maí fer hin árlega Sindratorfæra fram við Gunnarsholtsveg rétt ...
Fréttir 6. maí 2024
Nýtt erfðapróf fyrir bógkreppu í sjónmáli
Í sjónmáli er nýtt erfðapróf til greiningar á arfberum erfðagallans sem veldur b...
Fréttir 3. maí 2024
Jarðgerð á lagernum
Krambúðin í Mývatnssveit er nú með jarðgerðarvél fyrir lífrænan úrgang í verslun...
Fréttir 2. maí 2024
Fyrsti skipulegi raforkumarkaður landsins
Opnuð hefur verið íslensk raforkukauphöll, sú fyrsta á Íslandi og með það að mar...
Fréttir 2. maí 2024
Vöktun íslenskra skóga viðamest
Á sviði rannsókna og þróunar hjá Landi og skógi eru fjölmörg verkefni og þeirra ...
Fréttir 2. maí 2024
Samstarf háskóla skapar tækifæri
Jarðræktarmiðstöð LbhÍ er fjármögnuð með skilyrðum um samvinnu við aðrar menntas...
Fréttir 2. maí 2024
Sjónarmiðin samrýmast ekki
Ísteka telur að Samkeppniseftirlitið hefði átt að óska eftir uppfærðum upplýsing...
9. maí 2024
Kjósum forseta með þekkingu á landbúnaði
8. maí 2024
Skattaívilnanir í skógrækt
10. maí 2024
Endurheimt vistkerfi á landi og ferskvatnslíf
10. maí 2024
Grenndargarðar bæta lýðheilsu
7. maí 2024