Bleikir fiskar úr eldi eða ám
Höfundur: Bjarni Gunnar Kristinsson
Margir elska bændableikju eða bara lax úr næstu matvörubúð. Það er hægur leikur að elda fljótlega og góða rétti úr slíku hráefni.
![](/media/1/2019-05-20-12.33.jpg)
Bleikja með lauk, steinselju og piparrót
- 8 litlir vorlaukar eða litlir blaðlaukar
- 3 bleikjuflök
- salt og sykur og sítrónubörkur
- 200 ml rjómi
Skerið laukinn niður og leggið til hliðar. Sjóðið blaðlaukinn í 6-10 mínútur í saltvatni. Kælið og geymið.
Notið ögn af rjóma til að hita blaðlaukinn upp í, áður en maturinn er borinn fram.
- 2 knippi steinselja
- 200 ml góð ólífuolía
- Setjið nokkur lauf af steinselju í ísbað og notið sem skraut.
Gott er að strá salti, sykri og sítrónuberki yfir fiskinn og láta liggja á fisknum í 20 mínútur. Síðan skolað af saltið og þerrað. Svo má létt steikja eða sjóða eftir smekk.
Bleikja elduð að 50 gráðum í kjarna á pönnu því hún er ekki eins góð ofelduð.
Sett á disk ásamt rjóma, soðnum blaðlauk og ögn af olíu sem er búið að vinna steinselju saman við í blandara eða mortéli.
Gott er að rífa ferska piparrót yfir með fínu rifjárni.
![](/media/1/2019-04-06-09.48.53.jpg)
Lax, fennel, agúrka og spínat
- Hrökkbrauð/laufabrauð
- 180 g próteinríkt hveiti
- 80 g af vatni
- 1 knippi salt
- 2 msk. ólífuolía
- 30 g þari af eigin vali, til dæmis söl eða beltisþari
- 10 g fennelfræ
- Olía til steikingar
Dagur 1: Hrærið saman mjöli, vatni, salti og ólífuolíu í deig. Setjið deigið í plastpokann og látið kólna yfir nótt.
Dagur 2: Fletjið út með pastavél eða fínt með höndum (erfitt). Toppið með þara og söxuðum fennelfræjum. Bakað undir fargi – með smjörpappír í ofni á 170 gráðum í um fimm mínútur. Takið fargið og haldið áfram að baka í um fjórar mínútur til viðbótar. Takið þá úr ofninum.
Ein og hálf matskeið fennelfræ
- 1 dl majónes
- hálf sítróna safi
- salt
Ristið fennelfræ og bætið í majónesið. Látið liggja þar að lágmarki í tíu mínútur. Smakkið til með sítrónu og salti.
Hrátt fennel
- 4 stk. fennel
Skerið fennel þunnt með rifjárni og geymið í köldu vatni.
Fennelsafi og gúrka
- Hálft fennel
- 0,5 dl olía
- 1 tsk. salt
- 0,5 gúrka
Kryddið gúrku sem búið er að skera í bita.
Skraut
- 10 g dilllauf
- 10 g lauf af fennel
Penslið hrökkbrauðið með fennel-majó, steikið laxinn þar til hann er eldaður og setjið ofan á hrökkbrauðið.
Skreytið með fennel, spínati og dilli.