Vinsamlegast athugið að þetta efni er eldra en 7 ára.
Útflutningur á grænmeti til Danmerkur gæti hafist næsta vetur
Fréttir 4. ágúst 2017

Útflutningur á grænmeti til Danmerkur gæti hafist næsta vetur

Höfundur: Vilmundur Hansen

Viðræður um sölu á íslensku græn­meti til Danmerkur hafa staðið yfir í nokkra mánuði og að sögn Gunnlaugs Karlssonar fram­kvæmdastjóra Sölu­félags garðyrkjumanna mun útflutn­ing­ur­inn að öllum líkindum hefjast næsta vetur.

Bændablaðið greindi frá því í upphafi árs að samningar um út­flutning á íslensku grænmeti til Danmerkur væru langt á veg komnir og að búið væri að senda út prufusendingar og að verðið sem Danirnir væru tilbúnir til að greiða fyr­ir grænmetið væri mjög gott.

Handsalaðir samningar

Gunnlaugur Karlsson, framkvæmda­stjóri Sölufélags garðyrkjumanna, segir að viðræður við Danina séu enn í fullum gangi og málið í vinnslu. „Við handsöluðum sam­ning við Danina um að hefja út­­flutningi síðastliðinn vetur en það tafðist og hugmyndin í dag er að út­flutningurinn hefjist næsta vetur. Það sem tefur eru mál sem snúa að vottun vörunnar og það tekur sinn tíma.“

Að sögn Gunnlaugs liggja ekki enn fyrir tölur um hversu mikinn útflutning geti verið um að ræða en ljóst er að grænmetið verður flutt til Danmerkur með flugi enda um viðkvæma vöru að ræða.

Beðið eftir vottorðum

„Á markaði eins og í Danmörku er nauðsynlegt að hafa réttu vottanirnar til að tryggja gott verð þar sem neytendur vilja í auknum mæli vita hvernig varan er framleidd.“

Gunnlaugur segir að væntan­legir kaupendur vörunnar séu við­skipta­vinir Irma en verslan­irnar eru í eigu Coop sem er með um 37% markaðshlutdeild á matvörumarkaði í Danmörku.

„Fulltrúar Irma sem hafa smakkað gúrkurnar og tómatana frá okkur segja þá einstaklega bragð­góða og þá bestu sem þeir hafa smakkað og því um einstaklega góða vöru að ræða. Danirnir eru einnig mjög hrifnir af vatninu sem notað er ræktunarinnar enda er það mjög hreint og heilnæmt.

Aukinn áhugi innanlands

„Annað sem vert er að minnast á í þessu sambandi er stóraukinn áhugi íslenskra veitingamanna á íslenskum matvælum. Íslensk veit­inga­hús og mötuneyti eru í auknum mæli farin að sækjast eftir því að hafa íslenskt grænmeti á boð­stólum  og það er stórkostlegt,“ segir Gunnlaugur Karlsson, fram­kvæmdastjóri Sölu­félags garðyrkjumanna.

Skylt efni: útflutningur | grænmeti | Danmörk

Aðgerðir í landnotkun reynast ábatasamar
Fréttir 28. febrúar 2025

Aðgerðir í landnotkun reynast ábatasamar

Mörg hundruð milljarða ábati er af landnotkunaraðgerðum stjórnvalda samkvæmt kos...

Vilja fella niður lög um gæðamat
Fréttir 28. febrúar 2025

Vilja fella niður lög um gæðamat

Sjö þingmenn Sjálfstæðisflokksins hafa lagt fram frumvarp til laga um að fella b...

Háihólmi veltir meira en milljarði króna
Fréttir 28. febrúar 2025

Háihólmi veltir meira en milljarði króna

Háihólmi ehf. hagnaðist um 7,9 milljónir króna í fyrra. Rekstrartekjur heildsölu...

Fréttaveita frá deildafundum búgreina
Fréttir 27. febrúar 2025

Fréttaveita frá deildafundum búgreina

Deildafundir búgreina hjá Bændasamtökum Íslands fara fram í dag og á morgun á Hi...

Matarsóun mælist mest á frumframleiðsluþrepi
Fréttir 27. febrúar 2025

Matarsóun mælist mest á frumframleiðsluþrepi

Matarsóun mælist mest í frumframleiðsluþrepi virðiskeðjunnar; 29.130 tonn, eða 4...

Þróunarverkefni búgreina styrkt
Fréttir 27. febrúar 2025

Þróunarverkefni búgreina styrkt

Matvælaráðuneytið úthlutaði rúmum 172 milljónum króna til 51 þróunarverkefnis í ...

Aukið kornhlutfall í fóðri hefur jákvæð áhrif á kjötgæði
Fréttir 27. febrúar 2025

Aukið kornhlutfall í fóðri hefur jákvæð áhrif á kjötgæði

Í niðurstöðum skýrslu sem Matís hefur gefið út um áhrif fóðrunar á gæði kjöts af...

Enn er deilt um Geitdalsárvirkjun
Fréttir 26. febrúar 2025

Enn er deilt um Geitdalsárvirkjun

Fyrirhuguð framkvæmd allt að 9,9 MW virkjunar í Geitdalsá, á hálendi Austurlands...