Vinsamlegast athugið að þetta efni er eldra en 1 árs.
Í mörgum verkefnum hefur verið leitað í reynsluheim bænda með það að markmiði að greina þá þætti sem bændur telja að skipti mestu máli.
Í mörgum verkefnum hefur verið leitað í reynsluheim bænda með það að markmiði að greina þá þætti sem bændur telja að skipti mestu máli.
Mynd / Myndasafn BBL
Lesendarýni 4. október 2022

Starfsemi RML – Fimmti hluti

Höfundur: Karvel Karvelsson, framkvæmdastjóri RML.

Í síðustu Bændablöðum hef ég skrifað greinar um starfsemi RML. Viðfangsefnið að þessu sinni er þróunar- og verkefnastofa RML.

Karvel Karvelsson

Við stofnun RML var sett upp skipurit sem byggði á þremur fagsviðum og ábyrgðarmenn voru yfir einstaka málaflokkum. Árið 2019 var þessu skipuriti
breytt með það að markmiði að auðvelda vinnu, og samtal starfsfólks sem starfar við ólík viðfangsefni innan fyrirtækisins. Fagsviðum var fækkað í tvö og ábyrgðamannakerfið var tekið út. Með breytingunni var verið að byggja undir það að fyrirtækið gæti tekið að sér stærri verkefni sem þjónaði landbúnaðinum öllum. Ráðgjöfin væri rekin meira sem ein heild, hvort sem það var milli ólíkra málaflokka eða á milli landshluta. Þarna var horft til þess meginhlutverks að RML sinnti ráðgjafarþjónustu á öllu landinu óháð búsetu og búgrein.

Þróunar- og verkefnastofa hefur það hutverk samkvæmt núgildandi stjórnskipulagi RML að vera vettvangur umræðu um tvö meginmál. Annars vegar verkefnastjórnun, þ.e. yfirsýn verkefnasafns, gangur einstakra verkefna, þörf og mönnun verkefna, árangur o.s.frv. Hins vegar fer fram umræða um þróun og nýsköpun. Þróunar- og verkefnastofa er ekki svið heldur samstarfsvettvangur allra starfsmanna en einn starfsmaður heldur utan um starfið.

Verkefnastjórnun er fyrirtæki eins og RML gríðarlega mikilvæg. Starfsólk vinnur í sínum daglegu verkefnum að ráðgjöf og þjónustu til bænda eða annarra viðskiptavina, á sama tíma er verið að sinna stærri og minni verkefnum þar sem fleirri starfsmenn koma að. Þessi verkefni eru annaðhvort árleg föst verkefni, styrkt þróunarverkefni eða tímabundin stærri ráðgjafarverkefni. Það þarf því að halda vel utan um tíma og fjármagn og skapa yfirsýn yfir þau verkefni sem eru í gangi en þau geta skipt tugum hverju sinni.

Þróunarhlutinn byggir á samtali starfsfólks og stjórnenda sem leiða í einhverjum tilfellum til nýrra verkefna, þessi verkefni eru mikilvæg sem hluti endurmenntunar starfsfólks og þróun á ráðgjöf þar sem ekki er gert ráð fyrir slíku í framlögum til RML. Í mörgum tilfellum verða verkefni einnig til í gegnum samtöl við bændur og/eða eru unnin í samvinnu við bændur. Dæmi um slík verkefni sem unnin hafa verið eru til dæmis verkefni í tengslum við sæðingar á holdakúm, mygluspá fyrir kartöfluræktendur, fóðrun og frjósemi sauðfjár, möguleika á auknum afurðum sauðfjár með fleiri burðum á ári eða nýtingu sauðamjólkur, verkefni um vinnubrögð og hönnun við verkun í flatgryfjur og svo mætt lengi telja. Í mörgum verkefnum hefur verið leitað í reynsluheim bænda bæði með það að markmiði að greina þá þætti sem bændur telja að skipti mestu máli og til þess að miðla af reynslu annarra. Sem dæmi um slíkt eru kálfadauðaverkefnið og þættir sem hafa áhrif á lifun lamba á sauðburði. Í báðum tilfellum voru bændur beðnir um að miðla af reynslu sinni í gegnum vefkannanir og upplýsingar úr þeim síðan nýttar í frekari vinnu. Svona verkefni eru mikilvæg til að stuðla að þróun í ráðgjöf RML sem er í takt við þarfir bænda.

Umhverfi landbúnaðarins breytist eins og annað og frá því að RML var stofnað fyrir rétt tæpum tíu árum hafa umhverfis- og loftslagmál orðið mun mikilvægari liður í starfseminni. Snemma var lögð áhersla á að ná í þekkingu og verkefni tengd þessum málaflokki því ljóst var að þar voru mörg göt sem fylla þyrfti upp í þekkingarlega séð. Ráðið var inn starfsfólk sem gat sinnt þessum málaflokki og loftslagsgleraugu almennt sett á þá ráðgjöf og leiðbeiningar sem RML er að veita. Enn vantar mikið upp á í þekkingu og mælingum hér á landi. Með þessum málaflokki komu inn stór verkefni og má gera ráð fyrir að svo verði áfram sem ýtir enn undir mikilvægi þróunar/nýsköpunar og góðrar verkefnastjórnunar.

Þróunar og verkefnastofa kemur að mörgum verkefnum og fleiri en hér verður upptalið en frá 2019 hafa hátt í 80 verkefni af ýmsum stærðum farið af stað innan RML. Upplýsingar um þjónustu og ráðgjöf má sjá á heimasíðu okkar WWW. rml.is ásamt því að starfsfólk RML er ávallt til viðtals, hvort sem um er að ræða í gegnum síma 5165000 eða á starfsstöðvum RML.

Ekki lausn fyrir Landeyjahöfn - Síðari hluti
Lesendarýni 5. júlí 2024

Ekki lausn fyrir Landeyjahöfn - Síðari hluti

Í síðasta eintaki af Bbl. birtist grein um það hvernig öldusveigjan umhverfis Ve...

Dýravelferð og hugmyndafræði einnar heilsu: ábyrgð okkar allra
Lesendarýni 2. júlí 2024

Dýravelferð og hugmyndafræði einnar heilsu: ábyrgð okkar allra

Velferð dýra er ófrávíkjanleg krafa siðmenntaðs samfélags, hvort sem um ræðir gæ...

Framleiðsla og vinnsla búvara falla ekki undir EES-samninginn
Lesendarýni 24. júní 2024

Framleiðsla og vinnsla búvara falla ekki undir EES-samninginn

Fyrir röskum þremur árum ritaði greinarhöfundur þrjár greinar um landbúnað og sa...

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...