Vinsamlegast athugið að þetta efni er eldra en 1 árs.
Starfsemi RML – Sjötti hluti
Lesendarýni 19. október 2022

Starfsemi RML – Sjötti hluti

Höfundur: Karvel Karvelsson, framkvæmdastjóri RML.

Í síðustu tölublöðum Bændablaðsins hef ég skrifað greinar um starfsemi RML. Í þessari sjöttu og jafnframt síðustu grein að þessu sinni um starfsemi RML ætla ég að fara aðeins yfir erlent samstarf fyrirtækisins.

Karvel Karvelsson.

Erlent samstarf og samvinna RML er af margs konar toga og er mikilvægur hluti af því að hafa aðgang og geta nýtt sér nýjustu tækni og þekkingu hverju sinni.

Mörg af þeim verkefnum sem við tökum þátt í byggja í grunninn a norrænu samstarfi sem á sér langa sögu þegar kemur að búvísindum og landbúnaði hér á landi enda tenging okkar við Norðurlöndin sterk og löng hefð fyrir því að nemendur í búvísindum hafi sótt sér framhaldsnám við háskóla á Norðurlöndunum

Norfor er samstarfsverkefni Vaxa í Svíþjóð, Landbrug og Fodervarer í Damnörku, Tine í Noregi og RML á Íslandi. Samstarfið byggir á þróun og rekstri fóðurmatskerfis sem notað er á Norðurlöndunum en einnig aðeins utan þeirra. Hvert land á eignarhlut sem samsvarar fjölda mjólkurkúa á hverjum stað, eignarhlutur RML er því ekki mikill, eða um 2,8%, en við eigum engu að síður fulltrúa í stjórn Norfor og við erum þátttakendur í þó að litlum hluta sé í þróun kerfisins. Markmiðið með Norfor er að búa til bestu lausnina er kemur að fóðrun mjólkurkúa og holdanauta, þar sem horft er til sjálbærniviðmiða og umhverfisvænna lausna en að sjálfsögðu með hagkvæmustu leiðina fyrir bóndann í huga. Fóðursérfræðingar frá þessum löndum sjá í samstarfi um að þróa kerfið og byggja það upp. Notendaviðmót kerfisins er svo hannað í hverju landi fyrir sig en við notum kerfi Norðmanna, Tine Optifor. Nánari upplýsingar má sjá á https://www.norfor.info/

NCDX er annað norrænt samstarfsverkefni sem við eigum eignahlut í og erum þátttakendur á sama grundvelli og NorFor. Þar er þó munur á að Finnar eru þar einnig samstarfsaðilar. Í gegnum NCDX hefur verið unnið að því að þróa og byggja upp skýlausn sem einfaldar flutning á gögnum milli sjálfvirkra mjaltakerfa og skýrsluhaldskerfa. Eins og í NorFor eigum við eignarhlut í NCDX í hlutfalli við fjölda mjólkurkúa og eigum aðila í stjórn NCDX. Í gegnum NCDX samstarfið erum við nú aðili að iDDEN sem er alþjóðlegur samstarfsvettvangur til uppbyggingar á áðurnefndri skýlausn. Á vettvangi iDDEN sameinast skýrsluhaldsfélög frá 13 löndum með samtals um 20 milljónir mjólkurkúa um þessa uppbyggingu. Nánari upplýsingar má sjá á https://www.idden.org/. Mtech sem er hugbúnaðarfyrirtæki í eigu finnsku ráðgjafarþjónustunnar hefur séð um þróun á hugbúnaði NCDX og er í auknum mæli að þjónusta hugbúnaðarlausnir fyrir öll Norðurlöndin sem þá oft eru sameiginlegar. RML er í góðu sambandi við Mtech og horfum við til þess að auka það samstarf eftir því sem hentar hverju sinni.

RML er ásamt Landbúnaðarháskóla Íslands aðili að EAAP (European Federation for Animal Science). EAAP eru sjálfstæð alþjóðleg samtök sem hafa það að markmiði að stuðla að rannsóknum er tengjast búfjárrækt á breiðum grundvelli. Flest Evrópulönd eru aðilar að EAAP og samtökin eru einnig í góðum tengslum við vísindamenn og búfjárræktarfólk annars staðar í heiminum. Í gegnum þetta samstarf höfum við aðgang að gríðarmikilli þekkingu og nýjustum rannsóknum á sviði búfjárræktar.

Samtökin eru meðal annars einn af eigendum fræðiritsins Animal sem gefið er út í opnum aðgangi og hægt er að nálgast hér https://animal-journal. eu/. Í haust var Íslandi boðið að tilnefna aðila í stjórn EAAP sem situr þar sem fulltrúi, Íslands, Bretlands og Írlands og næstu 4 árin munum við því fyrir hönd RML og LbhÍ eiga stjórnarmann þar.

Að lokum má nefna að RML er einnig aðilar að ICAR sem er alþjóðlegur vettvangur fyrir búfjárskýrsluhald og gagnasöfnun í tengslum við það. RML á að sjálfsögðu í margs konar fleiri tengslum við erlenda aðila, bæði í samvinnu og samskiptum, sem ekki eru talin upp hér. Ég vona að greinar þessar sem hafa birtst á síðum Bændablaðsins að undanförnu hafi verið upplýsandi og lesendur séu einhverju nær um starfsemi RML. Upplýsingar um þjónustu og ráðgjöf má sjá á heimasíðu okkar, WWW.rml.is, ásamt því að starfsfólk RML er ávallt til viðtals hvort sem um er að ræða í gegnum síma 5165000 eða á starfsstöðvum RML.

Ekki lausn fyrir Landeyjahöfn - Síðari hluti
Lesendarýni 5. júlí 2024

Ekki lausn fyrir Landeyjahöfn - Síðari hluti

Í síðasta eintaki af Bbl. birtist grein um það hvernig öldusveigjan umhverfis Ve...

Dýravelferð og hugmyndafræði einnar heilsu: ábyrgð okkar allra
Lesendarýni 2. júlí 2024

Dýravelferð og hugmyndafræði einnar heilsu: ábyrgð okkar allra

Velferð dýra er ófrávíkjanleg krafa siðmenntaðs samfélags, hvort sem um ræðir gæ...

Framleiðsla og vinnsla búvara falla ekki undir EES-samninginn
Lesendarýni 24. júní 2024

Framleiðsla og vinnsla búvara falla ekki undir EES-samninginn

Fyrir röskum þremur árum ritaði greinarhöfundur þrjár greinar um landbúnað og sa...

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...